OM: Grupo deteni di barco Aressa ta bin di Montenegro

ORANJESTAD – E grupo di persona deteni abordo di e barco di carga Aressa manera cu Noticiacla.com a raporta anteriormente, ta resulta di ta di Montenegro. Asina vocero di ministerio publico Ann Angela a confirma pa noticiacla.com diaranson. Mientras cu no kier bisa cuanto cocaina a confisca, medio di Montenegro ta raporta cu ta 5 tonelada, cu tabata destina pa Grecia. Loke cu si a keda confirma ta cu tin 12 persona deteni. Segun autoridad di Montenegro, e detencion tabata despues di lunas di accion internacional inicia pa autoridad di Montenegro, Serbia, Reino Hulandes y Gran Britania. E investigacion tin un rabo largo cu ta data for di 2018. Potret di e droga abordo di Alessa ta cortesia di polis di Montenegro