Oduber: A apela caso di difamacion contra Jan de Ruijter

ORANJESTAD – Minister Otmar Oduber a sigura cu a apela e sentencia recien contra politico/ex hotelero Jan de Ruijter. Cu esaki, e mandatario ta indica cu de Ruijter ta gaña riba e mandatario, ora cu ta sigui bisa cu Oduber lo no a apela y como tal ta admiti su culpabilidad. Segun Oduber debidamente e la apela e sentencia y lo bolbe topa Jan de Ruijter den Corte. e ta mustra cu den e caso anterior, segun Oduber, hues ningun momento a bisa cu e la perde e caso sino mas bien no a considere un ‘caso urgente’ pa trada den un ‘caso sumario’.

Bek pa e caso cu Oduber lo apela, . “Un homber cu tabatin problema cu adicion den pasado. Mi no ta bay perde mi tempo cune” Oduber a sigui bisa NoticiaCla.com. “E ta yama su mes un ex hotelero, pero loke e ta, ta un politico. Un politico fracasa di apenas 12 voto”. Tabata siman pasa cu e mandatario a reacciona na NoticiaCla.com riba e keho cu de Ruijter a entrega contra su persona y dos otro minister, banda di un cantidad di otro persona. E keho cu ex hotelero y politico Jan de Ruijter a entrega contra e.o. Minister Otmar Oduber pa e.o. fraude, corupcion y falsificacion, (lesa e articulo riba e tema aki)  ta uno ridiculo, e mandatario a bisa na e occasion ey. Esey ta e prome y unico reaccion di e mandatario na NoticiaCla.com diahuebs anochi siman pasa. . “Ridiculo!” tabata su reaccion riba e hecho di e keho.