CITGO lo tin intencion di ‘baha na awa’ fin di luna sin areglo pa trahadonan

CITGO lo tin intencion di ‘baha na awa’ fin di luna sin areglo pa trahadonan

Posted on 01/12/2020 10:44 pm AST | Updated on 01/12/2020 10:45 pm AST

SAN NICOLAS – CITGO Refinery Aruba (CAR) siman pasa diahuebs y diabierna a informa tur nan trahadonan cu fin di januari awor (30 di januari  2020) nan (CITGO) lo bandona Aruba, y cu esaki nan kier men operacional y fisicamente. Esaki despues cu nan a informa tur hende fin di December (dia 27 di December 2019) cu e trabou lo termina. Tur esaki sin cu tin acuerdo cu e trahadonan y pues actuando di un forma ilegal. De hecho, a compronde cu e gerente y su staff ta planea pa bandona Aruba pa dia 1 di februari 2020 cu pasashi cumpra caba. CITGO mientrastanto lo no a ni pidi ni haya permiso pa retira trahado. 

MAS TRAHADO ENVOLVI

Loke ta haci e situacion mas serio ainda, ta e hecho cu si prome tabata trata di e trahadonan cu afiliacion sindical cu tabata bringa pa nan derecho, awor ta tur trahado (tambe esnan no sindical) cu ta riba e mesun liña y a bati alarma pa e situacion cu a surgi siman pasa. Esey ta nifica cu prome cu e weekend aki, tabatin dos grupo di trahado, 26 cu sindicato FTA y 32 cu IOWUA cu tabata bringa nan derecho, ambos den nan propio campo. Esey ta 58 di e 76 total cu tin na e refineria. Pero awor ta tur, incluyendo 18 cu tin otro tipo di areglo di trabou, cu a bati alarma y cu no ta nada content cu e situacion laboral. Desde e fin di siman siman aki, ta tur ta para riba mesun liña, incluyendo staff. Lo mas peor ta cu den e grupo di trahador tin cu tin mas di 25 aña di servicio. 

E SITUACON LABORAL

E portal aki a compronde cu gobierno (di Aruba) lo ta mara na tuma tur empleado over segun e ‘ley di overname di 2013’. Sinembargo empleadonan sa cu Refineria di Aruba (RdA) cu ta esun cu lo tin cu tuma e trahadonan over,  no tin e capacidad financiero pa carga e peso di tur e 76 empleadonan. E keho principal ta cu CITGO como dunador di trabou mester yega na un areglo husto cu empleadonan manera cu otro operadornan den pasado a haci, respetando acuerdonan firma y ley laboral di nos isla. De hecho, e mesun CITGO manera ta conoci, a retira un grupo di trahado na februari di aña pasa (2019) y nan pakete mes tabata miho cu esun cu lo tin riba mesa awor pa e trahadonan cu a keda. E situacion awor pues ta di tal forma cu CITGO lo por bandona e lugar fin di luna, lagando e operacion pa RdA sin trahado.  

RETIRO

E portal a compronde tambe cu CITGO no a pidi y consecuentemente no a haya permiso (ainda) di gobierno (lesa departamento di labor) segun e proceso lega pa retira e trahadonan y no a bay corte tampoco pa pidi retiro di e trahadonan. Loke trahadonan a compronde y ta comprobando awor for di fin di e siman cu a pasa, ta cu CITGO lo no ta cumpliendo cu e leynan laboral pa cu e terminacion (manera cu sindicato FTA a bin ta bisa) y cu nan no tin intencion di haci esaki tampoco. Tur esaki, aparentemente cu ‘aprobacion’ di nan conseheronan local, un bufete di abogado. E portal no por a verifica ainda cu e bufete riba nan situacion si.  Tambe e portal aki a compronde cu e trahadonan ainda no a firma un acuerdo mutuo cu e compania pa cu e terminacion di relacion di trabou. Cu tur e puntonan aki, legalmente a compronde cu CITGO no por djis bay fin di luna y laga e trahadonan pasobra no tin autorisacion pa haci tal. Ademas, e portal aki a compronde cu CITGO lo a tuma e decision cu ta contra e acuerdo cu e empleadonan manera para beneficionan pa emleado for di December pasa, sin cu tin un acuerdo di retiro pa empleadonan. Y no obstante esaki, tur cos ta mustra cu pase loke pase, e compania lo lanta su bela bay, pa 30 di januari 2020, esta algo mas cu 2 siman di tempo. 

  • KVK: Hopi urgente pa Aruba yega na acuerdo cu Hulanda

    KVK: Hopi urgente pa Aruba yega na acuerdo cu Hulanda

    ORANJESTAD – Camara di Comercio y Industria (KvK), como representante di e comunidad empresarial, ta pone enfasis riba e urgencia pa tuma e pasonan necesario pa protehe e interes di Aruba su economia, comunidad y empresarionan. KvK ya caba a expresa di ta aplaudi dialogo entre Aruba y Hulanda. Sinembargo, e incertidumbre encuanto e disponiblidad di e fondonan pa Gobierno di Aruba por sigui duna e subsidio na empresanan, ta perhudica comercio en general severamente. Sin e subsidio aki, hopi negoshi no lo logra sobrevivi y esaki lo tin como resultado un collapse total di nos economia. 

  • RDA: A resulta cu tin hopi interes pa opera refineria di Aruba

    RDA: A resulta cu tin hopi interes pa opera refineria di Aruba

    ORANJESTAD - Awe diabierna pa 11’or di mainta e proceso pa interesadonan entrega documentonan relaciona cu REOI1 y REOI-2 a cera oficialmente. Pa 3’or di atardi Managing Director, señor Rennie Arends den compania di Notaris Chamila Tromp, asisti pa su Compliance Officer a efectua apertura di e Dropboxnan digital.

  • Lotto ta laga bo gana 800 mil florin diabierna awor

    Lotto ta laga bo gana 800 mil florin diabierna awor
  • Varios taxista ta reclama cu mester ‘hustle’ oranan largo pa 10 dollar

    Varios taxista ta reclama cu mester ‘hustle’ oranan largo pa 10 dollar

    ORANJESTAD – Algun taxista na Aruba no ta contento con autoridad di turismo ta haci como si fuera situacion ta ‘hopi mas miho cu a anticipa’ na Aruba debi na COVID-19, awor cu frontera a habri. Nan ta referi na e hecho cu e siman aki p.e. ATA a bisa cu envez di 2 mil turista, a haya hopi mas cu a spera, pues cu cos ta bayendo hopi mas miho cu a kere.  Segun algun taxista, ta haci como si fuera esey ta drecha e situaicon. Segun un taxista en particular, Linda Orman cos no ta nada bon. Asina e ta bisa e.o. riba su pagina di Facebook. Hunto cu ne, tin varios otro taxista cu tambe ta reclama. Mientras cu frontera a habri, awor nan tin cu warda 5 pa 6 ora pa gana 10 dollar di un turista. Otro nan ta warda 4 ora pa gana 30 dollar. 

  • The [email protected] In na Aruba ta habri diaranson otro siman cu concierto

    The Movies@Drive In na Aruba ta habri diaranson otro siman  cu concierto

    KIBAIMA – Drive In na Aruba ta habri bek dia 29 di juli proximo. Asina e compania a anuncia diabierna riba nan facebook page. E lo habri cu un concierto cu Jeon y mas artista sorpresa. E evento lo ta di 6:30pm pa 10pm. A informa cu tur loke cu haya na entrada, lo bay pa e dos instancianan Fundacion Pa Nos Comunidad y Fundacion Pa Hende Muhe Den Dificultad. E potret ta momento cu a anuncia e intencion na mitar di mei (13 di mei 2020), manera cu a keda raporta pa e portal aki. Mientrastanto e pantaya a bay halto y tur cos ta cla pa otro siman e reapertura tuma lugar, bou di otro nomber. 

  • AHATA: Ocupacion na hotel ta na nivel di perdida financiero

    AHATA: Ocupacion na hotel ta na nivel di perdida financiero

    ORANJESTAD - Ocupacion di hotel na Aruba ta na nivel di perdida financiero. Asina Aruba Hotel & Tourism Association (AHATA) ta raporta diahuebs. AHATA ta bisa di a haci un encuesta cerca hotelnan pa midi progreso den ocupacion y expectativa pa recuperacion di turismo.  E resultado a demostra cu recuperacion ainda ta pocopoco.  

  • Powered by SETAR