Minister na ATIA: Gobierno debidamente tabata transparente cu info

ORANJESTAD – Gobierno debidamente tabata transparente cu informacion pa cu gremionan commercial. Asina minister di Finanza y Economia Xiomara Maduro a sigura noticiacla.com dialuna merdia, como reaccion riba e articulo riba directora di ATIA Michelle de Groot, cu a indica falta di transparencia y comunicacion di parti di gobierno pa cu gremio. Segun e minister, loke a pasa ta cu e carta cu a manda pa gobierno, a yega laat y no por a reacciona prome cu e conferencia di prensa. Asina Maduro a sigura e portal aki.

KICO A PASA

“ Mi a papia awemainta cu De Groot di ATIA y mi a splik'e e tardansa cu tin” Maduro a sigui conta e portal aki. “ E carta fecha 5 di december a yega mi kantoor diabierna 13 di december, e mesun dia cu nan a scohe pa yama conferencia di prensa, pues no tabata posibel pa mi por a reaciona promer” Maduro a sigui bisa. E mandatario ta sigui bisa cu si ta asina cu Gobierno a splica adelanta caba den e stakeholdersmeeting (di September 4 ultimo) kico ta locual ta bay wordo haci riba e tereno fiscal y a adapta e decicionnan na e sugerencianan cu a bin dilanti durante e encuentro. “Ta pa e motibo ey mes no a introduci sugart ax mas y no a bin cu cobransa di royalties den e sector hotelero”. Ademas Maduro a bisa cu durante e meeting a splica caba cu lo bin BBO ora di importacion y tambe cu lo bin cu un afkoopregeling pa pensioen. “ Pues Gobierno tabata transparente tur tempo riba kiko por ser spera”. Maduro a finalisa bisando.