- Kes the Band di Trinidad confirma pa Flip Flop Festival na juni!
- DVG: A cuminsa hospitalisa hende localmente infecta cu Dengue
- Minister na Merca ta lobby cu banconan pa fia 160 miyon dollar
- Hulanda dispuesto pa yuda paisnan den Caribe cu asunto di refugiadonan
- WEB Aruba ta firma acuerdo cu Seven Seas Water Group pa construi planta SWRO-3
Bosman na Wever-Croes: Denuncia fondonan ‘desapareci’ di CITGO
ORANJESTAD/ DEN HAAG – Parlamentario Hulandes Andre Bosman (VVD) a sugeri na prome minister di Aruba Evelyn Wever Croes pa haci denuncia riba e asunto di fondo ‘perdi’ di CITGO. El a haci esaki riba su pagina di Facebook, riba cual Wever Croes a reacciona mesora. “E ta encera transaccionan entre compania y relacionan cu awor a wak luz di dia. E no ta un asunto pa ministerio publico” Wever a contesta. No ta prome biaha cu e dos politiconan ta contesta otro publicamente riba Facebook ya cu net un aña pasa esaki a sosode caba, e biaha ey riba e pagina di Facebook di NoticiaCla.
Ultimo biaha cu tabatin un ‘comunicacion’ entre Bosman y Wever riba Facebook tabata dia 23 di april 2018, riba pagina di Facebook di NoticiaCla riba e asunto di pago di debe nacional di Aruba. Den e caso awor, Bosman riba su pagina ta usa e noticia di desaparicion di e placa (180 miyon dollar) cu mester a bay pa CITGO Aruba. “180 miyon a desaparece y niun hende sa unda esaki a keda”, Bosman ta bisa. “Tempo porta pa haci denuncia Evelyn Wever Croes?” Bosman ta puntra. Mesora Wever Croes ta reacciona bisando entre otro cu ‘ta trata di transaccion entre compania y relacionan cu awor ta wak luz di dia”. Ademas Wever ta mustra cu esaki no ta un asunto pa Ministerio Publico y cu ta trata di un grupo nobo vs un grupo bieu cu tabata maneha CITGO. Ademas Wever ta confirma cu ‘nos tur aki na Aruba tabata sa cu tabatin figuranan dudoso envolvi cu e refineria. Mi ta spera di curazon cu ex mandatarionan di AVP – cu tabatin hopi (explicitamente enforsando hoopi) bon relacion cu e figuronan dudoso- no ta envolvi cu e ‘desaparicion aki’, Wever ta sigui contesta Bosman. “Serio, pasobra Aruba no por tin mas scandal di corupcion”. Riba esaki Bosman ta bolbe contesta. “Evelyn Wever Croes, pero tin un sospecho di CITGO den direccion di gobierno di Aruba. E ora esey ta un indicacion concreto cu Aruba y gobierno di Aruba ta envolvi? Esey bo mes como prome minister a indica” Bosman ta sigui bisa.
E CASO
Tabata ayera, manera cu NoticiaCla a raporta prome, cu Wever Croes a informa di e desaparicion di fondo miyonario destina pa CITGO Aruba su rehabilitacion di e refineria. Un suma di 180 miyon a disparse di e 260 miyon cu inicialmente a wordo ‘manda’ pa Aruba. TA 80 miyon so a yega, y e resto ta desapareci.
Directora di Arubahuis a atende “Kennismissie” di OC&W na Aruba y Curaçao
DEN HAAG – Directora di Arubahuis a mr. Joselin Croes a participa na e “Kennismissie” di Minister di OC&W Robbert Dijkgraaf na Curaçao y Aruba. Na Aruba e punto central tabata con educacion ta conecta cu e mercado laboral: e situacion actual, pero principalmente con e demanda di enseñansa ta cuadra cu e necesidad di e mercado laboral.
Pareha Real Spaño a inicia bishita na Hulanda, cu participacion di prinses Amalia
AMSTERDAM – Rey di Spaña Felipe y Reina Letizia a cuminsa na nan bishita oficial di dos dia na Hulanda. E bishita a cuminsa riba plaza Dam unda cu tabatin tiro di saludo riba e tereno di marina. No a usa municion sino mas bien blanco. E diferencia di e bishita aki ta cu e biaha aki prinses Amalia tambe ta inclui den e bishita. Awe nochi e ta forma parti di e cena Real na honor di e pareha Real Spaño. Amalia tin un relacion special cu Spaña ya cu e la pasa un aña eynan recien debi na motibonan di seguridad pa su bida. Mientrastanto e la bolbe Hulanda pa biba y sigui studia. Pero e situacion di seguridad y menasa contra dje, no a kita ainda.
Decenas di buelo anula na Schiphol debi na fuerte rafaga di biento
SCHIPHOL – Decenas di buelo a keda anula dialuna na aeropuerto Schiphol di Hulanda debi na mal tempo. Ta primordialmente buelonan dentro di Europa mes. Buelonan pa Caribe Hulandes manera Aruba no a keda afecta. Ta trata di 90 buelo cu a keda anula, di cual mayoria ta di KLM. Ta spera rafaga di biento fuerte cu posibel mal tempo, segun un vocero di e aeropuerto.
Aunke interes ta minimo riba e islanan, lo sigui tene conferensia di Reino riba clima 2025
W’STAD/DEN HAAG - Minister Hulandes demishonario di Klima i Energia, Rob Jetten a anunsiá durante un reunion di e komishon fiho di Relashonnan den Reino di parlamento Hulandes ku na 2025 ta organisá e di dos konferensia di klima di reino na Kòrsou. Esaki despues ku e promé konferensia a tuma lugá na mei 2023 na Aruba. El a katalogá e promé konferensia sumamente eksitoso ku partisipashon di diferente pais den region. E ta interesante mirando cu na mei na Aruba Jetten a informa Noticiacla cu e interes pa asuntonan di Clima ta casi nulo, pasobra tin problemanan mas importante cu esey pa atende. Asina mes, ta sigui tene e conferencianan.
Na Hulanda partidonan kier keda cla cu formacion di gobierno mitar di mei
DEN HAAG – Negosacionan pa forma gobierno nobo na Hulanda ta continua awe. E lidernan di e 4 partido ta hunto prome biaha cerca e informado. E intencion ta pa logra un acuerdo pa mitar di luna di mei di e aña aki ainda. Pero na final di e combersacion, Geert Wilders di PVV no por a sigura esaki ainda. Partidonan ta hopi positivo pa e progreso, pero ainda no por bisa si ta logra e meta menciona. Algun medio ta bisa cu e combersacionan ta bayendo hopi lento, pero e partidonan ta desmenti esey. E parti financiero ta e parti mas dificil pa atende. Na November di aña pasa tabatin eleccion y a cuminsa negosha. Ya ta bayendo pa 5 luna di formacion.
Inicio programa di investigacion cientifico internacional di pasado di sclabitud
ORANESTAD - E pasado di sklabitut kolonial di Hulanda i su impakto a forma diferente pais rònt mundu profundamente. Tòg e konosementu ku ta disponibel tokante e pasado di sklabitut kompartí akí ta skirbí partikularmente for di perspektiva kolonial. Pa enrikesé nos perspektiva, minister Dijkgraaf (Enseñansa, Kultura i Siensia) ta inisiá un koperashon global di sientífikonan riba e tópiko akí awe na Aruba. Esei el a anunsiá awe durante un mishon di konosementu den Karibe.
Follow NoticiaCla
