Laclé: Problema no ta cantidad di specialista sino logistica y infrastructura di hospital

ORANJESTAD - E problema di tardansa pa haya ayudo di specialista, no ta debi na solamente debi na scarsedad di specialista. Asina neuro ciruhano na Hospital Horacio Oduber, Gregory Lacle a splica NoticiaCla dialuna. E ta reacciona asina riba e comentario di minister di salud Dangui Oduber dialuna cu a bisa cu el a manda un carta pa hospital bisando e.o. cu mester drecha e situacion pa no tin lista di espera asina largo. E mandatario ta keha cu e tempo di espera di 3 pa 6 luna mester wordo reduci drasticamente y cu mester yena e vacaturanan mesora. Laclé ta bisa cu e problema ta otro caminda. Pasobra segun Laclé, si trece 100 specialista mes, no ta resolve e problema. 

E PROBLEMA

Segun Laclé, e problema ta otro caminda. E ta e.o. cu tin apenas 5 camber di operacion y un  sterilisatie y personal limita di camber di operacion. Ademas tin set di instrument limita pa opera. Laclé ta mustra p.e. cu un set di instrument pa opera, ta dura 2 ora pa sterilisa. “ Dus e set ey no por wordo usa te despues di 2 ora. Y 3’or e programma electivo ta cera. Dus ta un problema di logistica y infrastructura structural di hospital” Laclé ta bisa. “Si esakinan wordo drecha y e tempo pa opera wordo extendi, e wachtlijstnan lo baha te 3-4 siman cu ta internacionalmente valido pa operacionan electivo” Laclé ta sigui bisa. “ Riba dje no tin suficiente cama tampoco, ya cu e hospital nobo, no a wordo traha pa tin mas cama, contrario na loke e specialistanan a bisa” e neurociruhano a sigui bisa. .

Pues e problema ta sinta den:

E   personal limita OK

E tempo limita di opera ( y hospital no kier haci nada riba esey segun Laclé )

E    setnan di instrument limita y

E beperkte sterilisatie setting

NO A TENDE DI SPECIALISTANAN

“Pero si e minister ( nan ) a tende di e specialistanan den pasado y awor esey lo por a wordo soluciona. Pero tin hende cu ta tuma decision cu no ta dokter y no sa di kico nan ta papia” Laclé a sigui bisa.” Helaas esey ta Aruba, si bo ta papia papiamento nan no ta kerebo. No tin suficiente cama pa neem op y no tin suficiente personeel, ora eseynan ta in orde tur cos lo funciona mas miho. Porta pa dermatologie mester 1 of 2 mas, pero den snijdende vakken no echt” Laclé a finalisa bisando.