Oduber: Huez a duna un sentencia unilateral den caso director DVG

ORANJESTAD – Minister di Salud Dangui Oduber ta ‘desapunta den e sentencia’ referente e director di Salud Jerry Staring. Asina el a bisa NoticiaCla den declaracion cortico diabierna atardi. Den un sentencia huez a revoca e prohibicion di entrada di e director na su pia di trabou. “Normalmente huez ta huzga e argumentonan di ambos partido y despues ta yega na su sentencia” Oduber a sigui bisa. “Lamentable den e caso aki ta cu huez a duna un eenzijdige vonnis y no a tene na consideracion ningun di e argumentonan treci dilanti di parti mi abogado” e mandatario a continua bisando.

SUSPENDE TOEGANGONTZEGGING

Manera cu NoticiaCla a raporta caba den un otro articulo, awe mainta corte a suspende e toegangsontzegging cu e mandatario a impone. “ Considerando e ponencianan cu mi abogado a presenta y e hecho cu corte no a adresa esakinan directamente ni tampoco a motiva pakico e ponencianan presenta no ta valido mi a keda poco desapunta den e sentencia”. Segun e mandatario, sigur mirando e seriedad di e motibonan cu a hiba na e toegangontzegging. “ Nos mester respeta e decision di awe y lo continua cu e proceso legal” Oduber a finalisa bisando. Lesa e sentencia AKI.