Wever: Situacion entre Venezuela y Aruba hopi tenso y delicado

ORANJESTAD – E situacion entre Venezuela y Aruba actualmente ta hopi tenso y delicado. Asina prome minister Evelyn Wever Croes a declara awemainta como e ultimo reaccion riba e tema aki. Ademas, Wever ta haya cu ta importante pa trece informacionnan corecto. E mandatario ta referi na cierto periodistanan cu ta trece informacionnan incorecto pa atacha nomber di Prome Minister, cu e ta haya algo di lamenta. Aruba ta para dilanti un crisis grandi pa loke ta trata e relacion entre Aruba y Venezuela.

PERIODISMO

Segun e mandatario, e ta referi na e comentario riba publicacion di e portal aki di ayera, unda cu un minister Venezolano ta papia riba e crisis unda cu e mandatario Venezolano ta culpa Hulanda di a tranca e combersacion. E portal aki a reproduci un entrevista di e mandatario Venezolano ayera riba e canal di television Venevision, y a ilustra esaki den un raportahe. Mientrastanto un otro periodista a usa e articulo aki, a reproduci'e y e mesun perioodista lo a añadi un comentario na cual Wever a reacciona ariba, aunke no a pone nomber. "No tin espacio pa haci periodismo na un nivel baho pa atacha nomber di nos Prome Minister" Wever a bisa. “Ban enfoca riba e situacion real pa soluciona esaki mas pronto posibel”. E mandatario ta referi na e comentario cu a bay rond di cierto periodismo, cu a pega e noticia di e portal aki di ayera hunto.