Booshi Wever: Resolviendo e loke a pasa cune na Venezuela

ORANJESTAD – Ex minister Booshi Wever ta ‘resolviendo e loke ta pasando’, ta loke e ex mandatario di Aruba a pone riba su pagina di Facebook dialuna. Esaki despues cu noticianan for di Venezuela a informa cu e y un otro persona ta deteni na e pais bisiña pa traficacion di gasoline. E portal aki tambe a reproduci e articulo, y acerca a pone e version inicial di warda costa di Aruba y cu a tuma contacto cu e ex mandatario, sin exito.

DESCONTENTO

E ex mandatario o a aprecia cu prensa local (e internacional) a trata e noticia. “ Mi a tuma nota di publicacionnan cu a sali den medionan di comunicacion y social. Ta parce cu tin hende cu ta sinti hopi felicidad ora cu otronan ta pasa momentonan hopi fastioso den bida” Wever a bisa. “Y esaki ta loke nos ta pasando aden. Mi kier informa cu nos ta resolviendo e loke ta pasando” e mandatario a sigui bisa. “Esnan cu kier a goza y sinti nan mes feliz cu loke a sali den medionan, mi kier a bisa, cumi ta sumamente contento di por a contribui na nan felicidad. Pronto nos lo ta na Aruba, algun lo ta contento pa esey y otronan ta decepciona cu esey. Esey ta bida” Wever a sigui bisa.

SUSESO

Pa loke a sosode, Wever a sigui splica cu nan a sali pisca diahuebs mainta na Baho y nan a haya problema cu ambos pompnan pa saca awa (bildgepump). “ Eynan nos a tuma e decision pa tira pa costa di Venezuela cu for di unda nos tabata ta, ta esun mas cerca. Y esaki a resulta di ta e miho decision cu nos por a tuma” Wever a bisa. “ Nos di baina a yega e costa di Venezuela. Nos a yega mas o menos 10or di mainta na e costa na un lugar cu yama Tumatey y a hasi tur cos pa scapa e boto” e ex mandatario a bisa, contradiciendo e publicacionnan. Pues no anochi manera ta wordo bisa den e publicacion.” Den e articulo ta poní cu nos a wordo gará anochi ta saca gasolin, riba e potret por mira hopi cla cu ta den dia nos a yega y cu un boto casi full bow awa, ta hopi dificil pa saca gasolin” Wever a sigui bisa.

Ta te banda di 4or atardi e autoridadnan a yega y cuminza cu nan investigacionnan. “ Nos a coopera cu nan 100% y e resultado ta cu nos mes ta liber y e boto awe of mayan lo ser someti na un inspeccion. Den e fase ey nos ta “Wever a bisa. E ta sigura cu nan mes a ‘scapa di baina’. “Nos a notifica mesora cu nos a drenta pa motibo di un emergencia, pues no por papia cu nos a wordo gara”. Fotonan ta cortesia di Facebook page di Booshi Wever.