- Un total di 18 ciudadano di Aruba ta haya Condecoracion Real
- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
NotiFalcon: Detencion di ex minister di Aruba pa contrabanda di gasoline
FALCON – E portal noticioso Venezolano noticioso Notifalcon a raporta den fin di siman cu un ex minister di Aruba y un otro persona a keda deteni diahuebs ultimo pa a purba ‘traslada’ gasoline for di Falcon pa Aruba usando e boto Ki-Diaa di matricula A900. Ta conoci cu e persona cu nan ta referi na dje ta ex minister Booshi Wever, cu den pasado a haya su mes den problema recientemente caba. E portal ta raporta cu e comision di e base di contra inteligencia militar a ‘captura’ e dos personanan aki, di nacionalidad Hulandes. E procedimento segun e portal, a tuma lugar den e sector Tumatey di municipio Falcon. For di warda costa costa di Aruba, NoticiaCla a compronde cu ‘a confirma cu Wever tabata ‘ok’ na Venezuela despues di a haye den problema riba laman cu su boto, y a wordo yuda door di piscado di Venezuela. Otro informacion ta mustra cu ningun momento el a wordo deteni sino cu el a haya su mes ta bay canto debi cu a haya problema cu boto, y despues autoridad a acerke keriendo cu e tabata purbando di haci contrabanda cu gasoline. NoticiaCla a busca contacto cu Wever, pero esaki no a contesta yamada di e portal aki. Foto cortesia Notifalcon.com
Gotopo: Prolongacion di cierre frontera cu Venezuela ta un medida absurdo
CARACAS – E medida di prolongacion di ciere di frontera cu Venezuela, door di gobierno di Aruba, ta un medida totalmente absurdo. Asina e vice presidente di La Camara de Comercio y Turismo de La Vela de Coro, Juan Gotopo a bisa Noticiacla diahuebs mainta. Manera ta conoci Aruba a dicidi dialuna atrobe pa prolonga e ciere aki cu 4 luna. “E medida di ciere di frontera tuma pa e gobierno di Aruba, ta parce nos un medida totalmente absurdo, ilogica y sin sinti”, Gotopo a sigui bisa. Segun Gotopo, si pone e asunto den balansa, e ta bay contra e interes di e propio Arubianonan.
Inflacion ta mas abou na Boneiru, mas halto na Sint Eustatius y Saba
KRALENDIJK - Den e promé kuartal di 2024, produkto- i servisionan di konsumo na Boneiru tabata 3,5 % mas karu ku e aña anterior. Den e di kuater kuartal di 2023 inflashon ainda tabata 4,1 porshento. CBS ta indiká esaki a base di e índise di prèis pa konsumidó na Hulanda Karibense.
St. Maarten tambe ta boga pa saca formashon di gobierno for di man di gobernador
W’STAD/PHILIPSBURG - Formashon di gobièrnu inkluso nombramentu di minister mester ta den man di parlamento i no di gobernadó, meskos ku ta e kaso na Hulanda. Asina presidente di parlamento di St. Maarten, Sarah Wescot-Williams a trese dilanti durante un konferensia di prensa. A yama e konferensia di prensa riba preokupashon ku ta biba na St. Maarten riba proseso di screening i nombramentu di minister.
Fin di siman aki gobierno nobo di St Maarten ta huramenta porfin
PHILIPSBURG-. Porfin tin un fecha tentativo pa e gobièrnu nobo di St. Maarten hura i asina tuma asiento. Esaki ta djaweps 25 aprel awor loke ta 2 siman lat ku formadó, Luc Mercelina a spera.
Gobierno Hulandes ta investigando su embahador na Colombia
DEN HAAG – Minister demisionario di relacionan exterior Bruins Slot (Buitenlandse Zaken) ta bay investiga si su embahador na Colombia Reina Buijs a surpasa su autoridad door di firma un documento sosteniendo e organisacion di Nacionan Uni UNRWA. E organisacion aki ta bou di presion internacional pa supuesto envolvimento di colabodornan di e organisacion den e atake di terror na Hamas aña pasa October. Merca y Hulanda a congela e sosten financiero na e organisacion aki te proximo aviso.
St Eustatius ta haya gezaghebber femenino Alida Francis
ORANJESTAD -- E siman aki señora Alida Francis a huramenta como gezaghebber nobo di Sint Eustatius. Pa prome biaha den historia di e isla un hende muhe ta gezaghebber.
Follow NoticiaCla
