Eman: Miho lanta inkietud riba mal tempo na caminda, pa ta prepara

ORANJESTAD - "Nos kier ta hopi delanta cu informacion, asina delanta cu bo ta lanta inkietud. Pero nos ta tuma e risico pa en todo caso nos ta miho prepara". Asina prome minister Mike Eman a bisa durante e conferencia di prensa riba e situacion di tempo. E mandatario a bisa cu no tabatin presencia di rampenbureau ainda pasobra no tin necesidad pa esey ainda. Na momento aki e disturbio di tempo cu ta drentando nos region, por tin un impacto riba nos pais rond di diamars pa diaranson. Asina prome minister Mike Eman a bisa awe mainta den un conferencia di prensa. E ta un tempo cu ta na 660 km zuidoost di Trinidad. Desde algun dia caba gobierno ta vigilando e sistema di tempo pa varios dia caba. E biaha aki, sin cu kier trece cualkier inquietud den nos comunidad, e por ta un tempo cu ora e drenta den Caribe su intensidad varia di bira menos te mas. "Ta dificil pa calcula" Eman a bisa, lagando e parti specifico di e tempo pa e experto di tempo Marc Oduber. A referi na e hecho cu kier evita cu nos ta haya nos cu sorpresa na momento cu e sosode den oranan di marduga. A referi na e ultimo situacionnan di tempo cu a yega Aruba den oranan di marduga, manera Madiki y Palm Beach.