Conocido comerciante ta muri electrocuta na Camacuri

ORANJESTAD - Durante trahamento riba un billboard na Camacuri, un homber a keda electrocuta. Vocero di polis Liliana Rasmijn a confirma na NoticiaCla cu ta trata di e conocido ciudadano Gerald Luidens (51), cu ta casa cu COO di ATA Sanju Luidens Daryanani. Pa 8:15 dr Dirks a constata morto di Gerald Luidens. No ta conoci kico a bay robez cu a nifica final cruel di Luidens. Tambe tristo ta cu diahuebs ainda ela presencia e graduacion di su yiunan na Colegio Arubano. NoticiaCla a saca su potret como portada di e momento glorioso p'e, sin sa cu awe su destino tabata diferente. NoticiaCla ta manda palabra di profundo pesame na su casa Sanju, su yiunan, su ruman Alexis y su mama Mafalda.  Cu Gerald sosega na paz. Nota: polis a informa cu e curpa no a wordo tuma den beslag.