Meteo tin bista riba ola tropical hopi abou cu por drenta Caribe

WILLEMSTAD/ORANJESTAD - Servicio meteorologico di Aruba ta vigilando un ola tropical cu por drenta nos area otro siman. " Tin un ola tropical Banda di 35 west cu meteo ta siguendo di aserca pa si tin cualkier desaroyo" Marc Oduber di Meteo a declara awe tardi. "E ta hopi leu foi Caribe ainda y por tin hopi cambio.. si e mantene su mes e lo ta Banda di Trinidad diamars" Oduber a sigui bisa. 

CONSULADO MERICANO

Mientrastanto hasta consulado Mericano a pone un tipo di alerta riba su pagina di FACEBOOK. "Ta temporada di horcan y consulado mericano ta pidi habitantenan y bishitantenan pa tene cautela pa un ola tropical cu ta hopi abou' e mensahe ta bisa. "Aunke cu e trayectoria di e ola tropical y su intensidad no ta sigur, esaki ta un bon fin di siman pa inventarisa lo necesario pa famia y bishitantenan pa loke ta preparacion di emergencia". Foto cortesia National Hurricane Center.