Mira video di e atracadornan di atraco na Socotorolaan den accion

ORANJESTAD - E atraco na un negoshi di incomienda na Socotorolaan awe mainta laat, a bay den un forma 'hopi trankil' segun por mira riba e video cu NoticiaCla a logra haya. Ta mira cla con dos persona ta drenta, cara no tapa, ta bin cu arma y riba un trankilidad ta coy e sumanan di placa di papel, y prepara pa bandona e lugar atrobe.  Manera ta conoci, pa mas o menos 11:43 diabierna mainta central di polis a haya un yamada cu un atraco tuma lugar na un negoshi na Socotorolaan. Asina vocero suplente di polis Liliana Rasmijn a confirma pa NoticiaCla merdia. Na yegada di polis e mucha muhe ta splica cu e dos hende homber a drenta e negoshi sin tin cara tapa y tur dos cu arma di candela den man. Nan a papia spaño y papiamento. E prome atracador tabatin flanel preto bisti cu jeans y color di cuero bruin . E otro tabata tin un flanel cora bisti y jeans plus un petchi bisti y color di cuero bruin scur. Nan a bay cu mas o menos afl 10.000 y 2 celular. Y no por a wak si nan huy na pia of den auto . Atraco team a presenta y tambe slachtofferhulp. Ken cu por a wak algo yama tiplijn di polis 11141.