Cameron: Resultado graduado Colegio Arubano no ta dje malo ey

ORANJESTAD - E resultado di graduadonan di Colegio Arubano Playa ta conoci. for di e conrector Anna Cameron, NoticiaCla a haya confirmacion cu pa HAVO 53% a gradua den e prome tempo, y pa VWO un total di 65% a gradua. Mientras cu e cantidad no ta bon pa e scol, Cameron ta positivo. "E no ta dje malo ey" e conrector saliente a bisa e portal aki. E tin speransa cu den e di dos tempo (her examen) e cantidad por aumenta cu por lo menos 10% total. Esey ta nifica segun Cameron, cu na fin, pa dia 30 di juni, ora cu e resultadonan ey ta conoci, pa HAVO, e total por aumenta te na 60% y pa VWO esaki por bira 70%. Algun mayor di e graduadonan a acerca e portal aki, pa mustra nan alegria cu nan yiunan ta cla cu un etapa di nan bida, y por sigui cu nan di dos etapa. Foto di NoticiaCla ta di tres graduado hunto cu nan mayornan.