Arends: Contento cu Aruba a mantene su rating BBB+ di Standard and Poors

ORANJESTAD - "Contento cu Aruba a mantene su rating. Esaki sigur ta un muestra di confiansa den maneho financiero-economico di Gabinete Mike Eman II". Asina minister di economia Richard Arends a reacciona pa NoticiaCla diahuebs riba e noticia. Segun e mandatario, e hecho cu Aruba a mantene su rating na BBB+ ta garantisa nan acceso riba terminonan favorabel riba mercado internacional. "S&P tabata tin reconocemento pa e reformanan structural cu a tuma lugar y cu a mehora e panorama fiscal di Aruba.  Manera anticipa" e mandatario a sigui bisa."S&P ta kita tur duda tambe si e rehabilitation di e refineria (cu ta e driver mas importante di e crecemento economico e aña aki) lo tuma lugar. Prueba di esaki tabata tambe e acuerdonan pa e EPC contractos y financiamiento cu CITGO a firma awe" e mandatario a finalisa bisando. Lesa e rapport completo di S&P riba Aruba AKI.