Aruba Airlines cu structura nobo y a settle cu de Swart

ORANJESTAD - Aruba Airlines a anuncia structura nobo y a yega na acuerdo cu Onno de Swart, un di e fundadornan di e aeroliña. Manera ta conoci, na 2016 algun desacuerdo a surti entre e partidonan cu a resulta den diferente caso nan den corte.

ACUERDO 

Pa por salvaguardia e existencia di e compana, partidonan a disidi pa yega na un acuerdo mutuo y reparti nan bienesnan. Sr Onno de Swart no ta fungiendo mas como un miembro beneficiario di e compania y no ta carga ningun responsablidad como tal. 

FUNDADOR DI E AEROLIÑA

Aruba Airlines a wordo estableci na aña 2006 door di Sr Onno de Swart. Como parti di Aruba Airlines su desaroyo, un acuerdo di benta y compra a wordo cera na april di 2012 entre Sr de Swart y Seastar Holding N.V. 

E intencion di e acuerdo aki tabata pa mas a dilanti capitalisa e compania, cu e intencion di expande e operacion pa por incorpora un Airbus A320 riba e specificacionnan operacional. 

E proyecto aki a wordo realisa exitosamente, Aruba Airlines tin 3 A320 den operacion. A compronde cu de Swart ta desea e compania hopi exito den futuro.