Van Zwol y Roes a topa cu autoridad di imigracion diadomingo

ORANJESTAD - E delegacion hulandes presidi pa secretario general hulandes pa asuntonan di Reino, Richard van Zwol, a reuni diadomingo anochi cu hefenan di servicio di imigracion diadomingo y Dimas, y lo reuni awe mainta cu minister di Finanza, Angel Bermudez riba e situacion financiero di Aruba. E detayenan no ta conoci pero NoticiaCla.com a compronde cu e topico ta entre otro, un update riba e avancenan pa e presupuesto 2015 (minister Plasterk a declara recientemente su disgusto cu e presupuesto ainda no ta cla), y kico por spera di e rapport final di College Financieel Toezicht ora cu e keda entrega diabierna awor na gobernador di Aruba. E reunion, unda cu e.o. director general di husticia hulandes Gerard Roes tabata presente, a tuma lugar diadomingo anochi durante un cena, y e reunion di dialuna mainta lo tuma lugar durante un session di desayuno cu minister  Bermudez. 

Mientrastando di parti di gobierno, NoticiaCla.com a compronde cu e reunionan di e siman aki, tabata planea y cu e version di gobierno riba e reunionan aki ta cu, ta trata aki di reunionan di 'conocemento' unda cu ta introduciendo e director general di husticia Gerard Roes na e departamentonan concerni. Den curso di dia, NoticiaCla.com tin mas informacion riba detaye di e combersacionan di diadomingo y dialuna.