Abogadonan a pidi absolucion total pa Schotte y van der Dijs den caso Babel

WILLEMSTAD – Abogadonan Knoops & Vaders a exigi absolucion total pa Gerrit Schotte y Cicely vd Dijs den caso Babel Ernstige diamars atardi. E abogadonan a manda un resumen di hechos den e ultimo dos dianan di puntonan cu pa nan ta importante. Entre oro cu nan tin duda den AG van der Schans. Tambe cu e fiscal italiano tabata dispuesto pa testigua den e caso aki, pero no a haya e chens (ainda). Ya den oranan di atardi di e prome dia, tanto Schotte cu van der Dijs a duna declaracion y desmenti tur acusacion.

Riba di dos dia e defensa a hiba un defensa cu ta programa pa dura 7 1/2 . A desmenti envolvimento di factura falso, cu ta algo cu segun e defensa, OM tambe a prueba. Tambe ta desmenti conflicto di interes cu Corallo, cu a ricibi regalo of a duna trato preferencial. A acusa gobierno di a malusa MOT (Meldpunt Ongebruikelijke Transacties) pa cual ciudadanonan ta sali perhudica. Ademas ex Secretario General di Interpol a deshaci di e ponencia riba pasaporte diplomatico y e actual hefe di oficina di Telecom a confrma cu nunca un ciudadano a wordo persigui pa uzo di un asina yama ‘jammer’ (aparato cu ta blokea señal). Na final, e team di abogado a pidi absolucion total pa tanto Schotte como van der Dijs.