Sorteo pa cas di Lions ta diabierna awor

Sorteo pa cas di Lions ta diabierna awor

Posted on 06/8/2017 5:46 pm AST | Updated on 06/8/2017 5:47 pm AST

ORANJESTAD - Sorteo pa e cas di Lions lo ta dia 9 di Juni. Abo tin bo ticket caba, si bo no tin’e ainda pasa awe mes y cumpra un ticket pa solamente Awg 25,-. Diabierna Lions Club Aruba lo anuncia e gran ganador di e cas na Jan Flemming, Santa Cruz. Esaki lo ta e di 59 cas cu Lions Aruba lo rifa pa e pueblo di Aruba. Sra. Chantalle Koolman tabata e ultimo ganador pa luna di Mei y a ricibi 5 ticket pornada y un chens pa gana e cas di Lions. Sra. Koolman a pasa busca su premio cerca Lion Magaly Franken y Lion Gerardo Figaroa.

Ya caba por mira cu construccion di e cas a cuminsa. E cas tin un balor di Awg 250,000,- kiermen no perde e chens pa gana e cas di bo soño. Pasa cumpra bo ticket prome cu e sorteo. Ticket ta obtenibel na Citgo Service Stations, oficinanan di number loteria y cerca miembronan di Lions Club.

Por ultimo Aruba Lions Club kier a gradici e pueblo di Aruba pa e sosten di casi 70 aña caba y ta pidi e pueblo pa sigui aporta na Lions Club Aruba door di cumpra ticket pa e rifa di cas.

 

  • Powered by SETAR