Director WEB: E berdad riba paga full aunke no a haya servicio full

ORANJESTAD – Ora cu un servicio manera telefon, coriente of awa cay afor, e critica ta bin mesora cu nos ta perde servicio pero mester paga ‘volle pond’, esta e suma completo fin di luna toch. Pues cu no ta haya un descuento di esaki siendo cu no a haya e servicio total. Ademas, ora cu den caso di coriente su ‘bay bin’, aparatonan ta daña y e cliente/consumidor ta hay'e cu mas gasto. Director di WEB Aruba NV Luis Oduber ta desmenti e prome parti, esta cu ta cobra suma normal aunke a perde coriente, y ta splica pakico. Tambe e ta mustra cu tin caminda pa cana ora cu aparatonan daña ora cu tin fayo di coriente.