Falta apenas un dia pa cera encuesta politico #2 NoticiaCla/Doc Opleiding

ORANJESTAD – Ta falta apenas un dia pa cera e di dos encuesta politico di Noticiacla/Doc Opleiding. E intencion ta pa cera e encuesta pa diahuebs mainta 10’or, pa despues ya merdia publica e resultadonan. Esaki ta net prome cu e prome debate di Camara di Comercio diahuebs anochi. E encuesta ta habri pa tur hende, pues no tin grupo specifico. E encuesta ta anonimo, cu ta haci importante pa haci pregunta relaciona cu demografia di e isla. Si nos no haci esey, nos no por bisa con representativo real e encuesta ta. E metodo uza (encuesta habri) tin su ‘side effect’ cu ta nifica cu no por controla e respuesta nan

LANSAMENTO DI E ENCUESTA

Manera ta conoci, siman pasa e encuesta a keda lansa, y contrario na e prome encuesta, esun aki a keda habri pa un duracion mas largo. E encuesta su intencion ta pa polls patronchi di comunidad pa loke ta e proximo eleccion. Importante atrobe ta pa ilustra cu e encuesta aki tambe ta completamente anonimo e independiente y ta rekeri lo minimo di tempo pa completa. Corda haci esaki den e ultimo dia cu falta. Lo cera esaki diahuebs mainta y pa merdia caba, lo presenta e resultado. Wak e encuesta AKI.