Caminda pa bicicleta di 10 km riba Green Corridor

ORANJESTAD – Aruba ta bay haya den apenas algun luna su prome caminda di bicicleta. E trayecto di 10 kilometer largo ta cuminsa dilanti di aeropuerto cu conexion pa 'Linear Park' y ta bay ariba te na Savaneta. “Awe nos ta para na un punto importante di instalacion di caminda di bicicleta, un peticion grandi cu nos tabatin pa e ta parti di 'Green Corridor' cu awo ta haya contenido,” Premier Eman a indica. Mes momento Odinsa a anuncia cu lo entrega un total di 1000 bicicleta na comunidad ora cu e caminda di bicicleta keda cla.