Accion paga boet na aeropuerto a genera 15.000 florin na Corsou

WILLEMSTAD - E accion di oficina "Paga Bo But" na aeropuerto a trece cu ne cu hopi hende a acudi awe na e oficina di "Paga Bo But" riba Waaigat, pariba di Curoil. Na aeropuerto Hato a para un total di 16 persona cu a resulta di tabata tin un of mas boet habri. A cobra esaki nan prome cu nan por a sigui nan biahe. E accion specifico diamars na Hato di OM tabata den estrecha cooperacion di Imigracion, Douana, Koninklijke Marechaussee y KPC. Na tur Ministerio Publico a cobra diamars na aeropuerto Hato y oficina na Waaigat un total di 15.000 florin. Ministerio Publico (OM) ta anuncia cu ta bay intensiva accionnan pa cobra boet cerca ciudadanonan cu tin boet habri. Ta bay atende tambe mas fuerte cu esnan cu mientrastanto a ricibi un prome y di dos "aanmaning", esta un amonestacion. OM ta urgi ciudadanonan cu boet habri pa bin regla esaki of pa drenta un areglo di pago pa di e forma ey evita inconveniencia innecesario.