Eman na fundacion Parkietenbos: Nos ta cera e dump aki!

ORANJESTAD – Gobierno a reuni internamente riba e tema di Parkietenbos y e problema di dump y ta planea pa reuni cu e fundacion en cuestion proximamente riba e tema. Asina gobierno, segun prome minister Mike Eman a sigura NoticiaCla, ta cumpli cu e ultimatum poni. “Nos a dicidi cu nos ta cera e dump aki, y nos ta den proceso pa cera e dump” Eman a bisa awe mainta atrobe. E ta consciente cu tin diferente aspecto cu a cambia si den e plan pa cera e dump.

PROCESO PA CERA E DUMP

Entre e aspectonan cu a cambia den e proceso pa cera e dump, tin e proceso cu tabata canando cu EcoGas pa loke ta trata e posibilidad pa tuma un parti grandi di sushi. Ainda tin aspectonan tecnico complica cu ta haci cu no a yega mes leu cu gobierno kier a yega riba e tema ey. E intencion ta pa dentro di algun dia sinta cu tur e partnernan, stakeholdernan y pone nan na altura con leu ta, pero e meta ta keda igual, esta cu ta cera parkietenbos. Pa loke ta e carta di preocupacion, Eman ta sigura cu cada uno di e preocupacion tabata legitimo. SCUCHA E ENTREVISTA AKI