Repsol cu delegacion pa Aruba pa analisa trabou nan di limpieza di zeta

ORANJESTAD – Repsol ta mandando un delegacion di 5 specialista riba tereno di oil spill pa analisa e trabounan di limpiesa cu a wordo haci na e bocanan Aruba a tuma contacto cu instancianan grandi internacional riba e asunto di derame di zeta na Aruba. Den un relato di DOW, ta raporta cu departamento Meteorologico a tuma contacto cu IOCARIBE (IOC/UNESCO), KNMI, NOAA, NASA y WMO pa hasi uso di modelonan sofistica, y unda hasta ta usando foto di halto resolucion satelital pa analisa e area di Caribe y pa averigua si por tin mas menasa di azeta pa nos isla.

AYUDO DI REPSOL

E delegacion di REPSOL aki lo duna nos consehonan necesario pa wak con nos tin cu atende cu e situacion riba e baranca y tambe yuda nos planea con pa atende cu casonan similar den futuro. Por ultimo Repsol/OSRL lo manda un barco cu lo bay analisa e situacion riba lama y for di aire. Abase di e informacion aki nos lo sa cua stapnan nos mester tuma pa futuro. Den transcurso di siman DOW lo informa comunidad di Aruba riba e ultimo desaroyonan.