DOW: A ‘scale down’ operacion di limpieza di zeta derama

ORANJESTAD - DOW kier a informa comunidad di Aruba riba e situacion actual di Oil spill cu tin na parti na Noordoost di Aruba. Ta asina cu e ultimo dianan nos a haci limpieza na tur e bocanan cu tin na parti Noordoost di Aruba. Awe dia 2 di juni Marina real, Turtuga Aruba, hunto cu scoutnan di DOW a constata cu tin un cantidad chikito di e azeta na e bocanan compara cu e dianan anterior. For di Lighthouse (Westpunt) te cu Boca Prins ta 90% limpi y for di Boca Prins pa Punta Basora mester di mas atencion. Pa es motibo a scale down nos operacion di limpieza awe y mirando e trend di dialuna pa diabierna cu e azeta ta birando menos y lo scale down e operacion den weekend pero lo keda vigila e situacion. Si acaso constata cu e azeta aparece nos lo bolbe activa e operacion di limpiesa.

Diahuebs dia 1 di juni DOW a ricibi yudansa di e boluntarionan unda cu DOW ta duna un danki pa e esfuerzo, tambe DOW lo desea e yudanza di e boluntarionan si acaso durante weekend e situacion cambia y mester dimas capacidad.

Alabes DOW lo kier a informa cu tin un proceso cu mester wordo en camina door di Departamento di Naturaleza y Medio Ambiente pa por duna su aprobacion cu e costanan ta cla pa uso pa publico y ta pidi boluntarionan pa por tene cuenta cu esaki.