Bermudez: Berdad mester actualisa ley pa atende malesa bruela

ORANJESTAD – Minister Angel Bermudez ta admiti cu e ley cu ta trata e asunto di bruela ta anticua y tin cu wordo cambia. Mes momento e ta compronde e confusion cu a bin ultimo dianan riba e regla cu a keda presenta, y como tal a clarifica esaki awe pa NoticaCla.com. Debi na e ola di bruela cu ta pasando rond, tabata necesario pa recorda ambtenaarnan riba e regla di e malesa, pero mes momento esaki a crea mas confusion. Sigur, ora cu a interpreta esaki como si fuera, bruela no ta un malesa contagioso, siendo cu enberdad e ta.

CLARIFICACION

E mandatario encarga cu departamento humano, ta admiti cu debi na e brote di e malesa menciona, hopi trahado a haci mencion di e peticion pa e asina yama BVVD, esta Bijzondere Vrijsteling Van Dienst cu mantencion di salario. Sinembargo gobierno a manda un carta recientemente pa informa cu esey no ta e procedura pa cana. E ta uno complica cu tin cu cana yen di caminda prome cu e por keda cla. Segun e mandatario, ora cu bo haya bruela, bo tin cu simplemente declara Arbeids Ongeschikt, esta AO, esta cu bo ta malo y cana e caminda comun. Esaki ta trata articulo 51 di LMA. Aki ta splica e malesanan cu por bira un epidemia manera e documento ta menciona.

BRUELA CONTAGIOSO Y MINISTER NO TA EXPERTO DI SALUD

E mandatario a admiti cu enberdad e no ta un experto riba salud, sino su colega Schwengle. E mandatario ta admiti na e portal aki cu mester modernisa e LMA aki. Pero keto bay esun actual ta ley, y e peticion ta drenta pa e ley vigente aki. E mandatario ta spera cu den luna di augustus september e por trece e cambio di concepto aki pa e bay e canal legislativo.

COMMOCION TA VALIDO?

E mandatario ta mustra cu enberdad e carta ta na Hulandes y cu esey por trece su retonan cu ne pa cu e splicacion y comprendemento di e ley. E ta anticua cu e ley ta anticua tambe. E mandatario sinembargo ta mustra cu e ta enfoca riba e procedura cu e ley tin cu cana y cu kier simplifica. Scucha e entrevista AKI.