Trabou na green corridor ta causa di problema cu coriente

ORANJESTAD - Trabou di contratista cu a bay malo, a pone cu hopi parti di Aruba ta sin coriente diabierna mainta. For di Vocero di Elmar, Elton Lampe, e portal aki a compronde cu contratistanan a bora un kabel di voltahe halto riba green corridor cu nan tabata traha ariba, cu a causa cu a crea un fayo serio di coriente. Na WEB, esaki a pone 2 boiler trip. A compronde di vocero di WEB Asja Dongen cu WEB ta recuperando di nan problema, pero cu e situacion delicado mes ta na Elmar. Segun Lampe, a cuminsa redirigi e peso di coriente pa varios otro area pa por suministra coriente bek. Varios parti di nos isla ta sin coriente, manera Noord, Playa, y Paradera. Segun Lampe ta papia di 1 pa 3 ora prome cu coriente por wordo reestablece completamente atrobe. No ta descarta cu e lo por dura menos.