Censo lo ‘schrijf uit’ mas di 5 mil hende cu no ta biba na Aruba

ORANJESTAD – For di e 11.436 persona cu a ricibi carta di Censo, cuestionando nan status na Aruba (si nan ta inscribi y si realmente nan ta biba na Aruba), ta resulta cu 5.643 por wordo ‘uitgeschreven’. Investigacion conduci for di fin di aña pasa pa februari di e aña aki, a mustra cu en berdad esakinan no ta na Aruba mas. Ta trata di esnan di otro nacionalidad cu no ta hulandes. Ta keda tambe un grupo di 1.864 cu lo mester haci un investigacion ainda ariba pa wak si nan tambe mester wordo ‘uitgeschreven’. Ta trata aki di e grupo di e nacionalidad Hulandes. Asina director di censo Sharin Luydens a confirma pa NoticiaCla.com. Cu e uitschrijving aki, Aruba ta scapa di e risico halto di gastonan innecesario pa Aruba si un persona cu ta keda inscribi sin cu e ta na Aruba. Pues ora cu e keda inscribi y realmente no ta biba na Aruba, pero ta costa nos placa tur aña.

PROYECTO OPSCHONING BEVOLKINGSREGISTER DBSB

E siman aki e resultado di e investigacion a keda presenta na comunidad. E proceso a encera manda carta pa 11.436 persona cu supuestamente ta registra na Aruba. A manda e cartanan 2 biaha, desde december 2016 te cu 9 februari 2017. E carta aki a bay na e adres cu nan tin registra na Censo, cu e peticion pa presenta na e oficina di e Proyecto na Sabana Blanco 68C.

OPROEP VIA ID.NUMMER DEN PRENSA

E siguiente paso den en proyecto tabata e publicacion di e ID-number di tur esnan cu no a presenta ainda den diferente corant y riba e website www.censo.aw. E resultado preliminar personanan cu a presenta : 3593 Di esakinan personanan(nacionalidad Hulandes y otro nacionalidad) cu a wordo uitgeschreven caba door di Censo: 361. Despues di esey, e team di e proyecto a bishita 5050 cas di e personanan cu no a presenta ainda.

RESULTADO DESPUES DI HUISBEZOEK:

Pa loke ta e personanan cu no a presenta ni manda carta tabatin di nacionalidad Hulandes: 1864 Otro nacionalidad: 6472

NACONTROLE OTRO NACIONALIDAD:

Como siguiente paso Censo a bolbe compara e datosnan despues di huisbezoek di 6472 personanan di otro nacionalidad cu no ta Hulandes un biaha mas cu e datosnan actual di AZV y DIMAS. Tambe a haci diferente steekproeven. Comparacion cu DIMAS:203 persona di e persona nan aki cu no a presenta tin permiso valido. Comparacion cu AZV :482 personanan aki cu no a presenta a renoba nan AZV tur e tempo. A resta na total 5643 persona ainda di otro nacionalidadnan cu no a presenta despues di diferente yamada, cu no a wordo haya na cas y cu no a comunica cu Censo den un of otro forma y segun tur indicacion, datosnan, investigacion y steekproeven, no ta biba na Aruba y cu lo bay wordo uitgeschreven den e siguiente dos simannan. Di e 1864 persona di Nacionalidad Hulandes cu no a presenta ainda lo haci un otro comparicion di datos den e siguiente simannan pa asina saca e resultado final pa lokual ta Nacionalidad Hulandes.

UITGESCHREVEN PERO BIBA NA ARUBA??

Si al caso bo ta biba en berdad na Aruba, pero bo no a presenta na e yamadanan pa X motibo y pa e motibo bo a wordo uitgeschreven, bo lo por bin cu prueba cu di berdad bo ta biba na Aruba. Pa mas informacion tocante esaki por tuma contacto cu nos riba info@censo.aw of pasa libremente cerca censo na Schoolstraat 2.

SITUACIONAN CU A PRESENTA DURANTE E PROYECTO

Algun situacion a presenta durante e proyecto. Entre nan di babynan cu a nace premature sin speranza di bida (foetus) ta wordo‘gecremeerd’ na hospital mes, mientras e mayornan ta haña e caarchi roos of blauw di nacemento. Cu esey un acta di nacemente tabata wordo traha (y e mucha cu nacionalidad Hulandes a wordo registra den e registro di populacion) mientras cu despues e morto no tabata wordo denuncia door di un funeraria (pasobra funeraria no tabata wordo envolvi). Tambe tabatin esnan cu a fayece. Personanan cu a fayece na Aruba, di cua e datosnan di e acta di fayecimento no a wordo registra automaticamente den registro di populacion. Mayoria bes tabata trata di fayecimento cu a tuma lugar hopi aña pasa. Tambe tabata tin caso na unda e persona a fayece den exterior, pero Censo na a wordo informa door di famia di e fayecimento aki.

PERSONAN PERDI, DOBBEL REGISTRATION, ETC .

Tabatin caso tambe di registracion dobbel na Hulanda y Aruba, mas tanto prome cu 1999. Den e periodo prome cu 1999 personanan tabata por registra como residente di Hulanda sin mustra prueba cu nan a schrijf uit di Aruba. Hopi persona, vooral esunnan di otro nacionalidad di paisnan cu no ta conoce un sistema di un registro di populacion, no ta schrijf uit ora nan no ta biba na Aruba mas. Personanan cu a bay biba den exterior mientras cu nan ta haña pensioen di Aruba, no kier schrijf uit. Nan ta pensa cu si nan ta schrijf uit, nan no lo haña pensioen mas. Tambe tin persona cu no kier perde e asina yama reparatietoeslag riba pensioen. E reparatietoeslag aki ta conta solamente pa persona cu ta biba na Aruba.