Alex Matthew a keda deteni ora cu el a presenta na Corte awe

ORANJESTAD – Awemainta ora cu conocido Alex Mathew presenta na Corte, ela wordo deteni y hiba Kia pa e sinta loke falta di su castigo di caso Strea. Manera ta conoci, ela wordo condena den prome Instancia pa e caso aki. Ela apela e caso y a haya un castigo mas halto di 5 aña. Djey ela bay den casacion. Na april ultimo Hoge Raad a dicta sentencia y a declara Mathew no admisibel. Esey kiermen cu e veredicto di Hof a bira indiscutibel. E tempo aki mientrastanto, e tabata liber. Pues ora cu ela presenta awe pa e caso, ela keda deteni pa sinta un parti di e castigo. Ela sinta parti caba di su castigo. Prome cu e caso aki, e tabata den detencion relaciona cu un otro caso. Awor pues e ta bay cera pa e castigo di Strea cu e tabatin parcialmente ainda pendiente. Foto ta cortesia Boletinextra.com