Atencio: Banconan Mericano ta aplicando 'derisking' di p.e. Caribe

ORANJESTAD – Berdad cu institutonan financiero Mericano (banconan) ta den proceso di baha risico pa nan mes, ora cu ta haci transaccion cu banconan internacional. Caribe tambe ta cay bou di esaki. Relaciona cu e raportahe cu a keda publica na Corsou recientemente cu ta bisa cu tin peliger pa Aruba, presidente di asociacion di banco Javier Wolter a splica caba cu e situacion aki ta diferente. Di otro banda, miembro di ABA, director di FCIB CIBC, Giovanny Atencio ta mustra si cu loke por ta e hecho ta cu cierto banconan no ta cumpli cu cierto rekisito, y cu esey ta pone cu banconan Mericano ta hala atras, y ta stop di ta banco sucursal. Esey ta un posibilidad, segun Atencio. Aki na Aruba sinembargo e ta sigura cu esaki no ta e caso.