Banconan local no tin peliger pa perde banco coresponsal mericano

ORANJESTAD – Banconan na Aruba, contrario di loke ta wordo bisa na Corsou, no tin peliger pa perde nan relacion cu banconan coresponsal Mericano. Un banco Mericano como coresponsal, ta permiti un banco local di haci transaccion internacional, cu dollars ora di haci transfer. Segun un raportahe na TeleCuracao e siman aki, ta raporta cu tin peliger cu esaki por bira un problema ya cu banconan Mericano no ta presta nan mes mas como ‘coresponsal’, pasobra nos ta un area di risico. Y cu Aruba tambe ta cay bou di esaki, pasobra e.o. mayoria banco aki ta un sucursal di Corsou. Presidente di Asociacion di Banco na Aruba, Javier Wolter, ta cuestiona e raportahe aki y ta desmenti cu tin peliger pa Aruba. Video Raportahe Corsow ta cortesia Telenoticia/Telecuracao