Jetblue ta uza reconocemento facial pa aborda pasaheronan pa Aruba

BOSTON – Pasaheronan cu biaha cu e aerolinea JetBlue for di Boston pa Aruba otro luna, lo no mester mustra un boarding pass ni un otro tipo di barcoded pass pa aborda nan avion. Asina e portal Air Transport World (ATW) a informa awe. E aerolinea ta uni cu US Customs and Border Protection (CBP) y global air transport IT specialist SITA pa cuminsa uza e tecnologia pa reconoce cara di e persona electronicamente. E pasaheronan cu yega aeropuerto lo mester laga un camara saca nan potret na e porta di salida. E camara lo mester reconoce e cara di e pasahero, match esaki cu su informacion di pasaporte, data di buelo y asina e por aborda e avion. E camara ta conecta directamente cu CBP pa por haci esey. Ora cu e ta aproba, e pasahero lo wordo notifica riba un pantaya riba e camera. Esaki ta solamente pa pasaheronan cu ta biaha riba JetBlue di Boston pa Aruba. Foto cortesia: Rob Finlayson