Ex presidente di Camara di Comercio ta subi lista di MEP

ORANJESTAD – Ex presidente di Camara di Comercio Daphne Agius Cesareo Lejuez ta poni pa drenta partido MEP. Asina fuentenan cerca di e proceso a informa NoticiaCla. Su nomber ta circulando varios dia caba como un potencial candidato. A compronde cu pronto (e siman aki ainda) lo tende mas di e lansamento aki di e figura publico aki. Su posibel entrada den e partido geel ta halando bastante atencion, mirando cu hopi ta consider'e como un marca sorpresa.