Patchnan di zeta yegando Aruba ta visiblemente menos

ORANJESTAD – E cantidad di patch di zeta yegando Aruba ta visiblemente menos. Asina prome minister Mike Eman a bisa durante un conferencia di prensa awe nochi laat riba  tema. Trabaonan di limpieza a cuminsa parti nort di Aruba pa loke ta e patch nan di zeta cu a yega tera. Loke a constata pues, ta cu e cantidad di e asina yama ‘tar balls’ (pida zeta) cu tabata bin riba coste norte a raporta cu tabatin visiblemente menos den awa den awa y riba tera. “Esey ta un bon noticia” prome minister Mike Eman a bisa. E pahra nan tambe dilanti Baby Beach y na refineria tambe no ta afecta pa nada, y esey sigur ta un bon noticia. Problema ta cu segun servicio meteorologico, e chens tey cu e patch nan di zeta por yega parti west di Aruba.

CORIENTE DI LAMAN PROBLEMATICO

Pa loke ta e coriente di laman cu servicio meteorologico ta vigilando, ta indica cu tin un chens chikito cu por tin cambio den direccion di e coriente, cu por hiba e patch nan parti west di Aruba. “E chens segun meteorologische dienst ta dificil pa calcula. Nos no kier tuma nada pa casualidad, y a pone hopi atencion si en caso esey bira realidad pa e parti operacional por atende cu esey tambe” Eman a bisa. E ta un area hopi sensitivo pa nos pais, segun prome minister. E panorama pa e pahra nan tambe por cambia y esey ta vigilando di cerca.

AYUDO DI VOLUNTARIO

A dedica tambe varios tempo na e voluntarionan cu kier ta envolvi pa e limpieza. Ta tratando di organiza esaki pa tur hende ta bon informa y tambe bon ekipa y evita cu tin problema cu nan ora cu nan haci e limpieza.