Update: Illegalnan Venezolano a usa dos go fast pa yega Corsou

WILLEMSTAD – Warda Costa di Caribe a confirma e informacion di NoticiaCla di e detencion di ilegalnan Venezolano awe marduga na Corsou. Pero e cantidad ta 51 envez di 50. A mustra cu e biaha aki e transporte di boto di e ilegalnan tabata mas sofistica, cu 2 go fast cu a keda intercepta.

KICO A PASA

Segun Warda Costa, nan a intercepta un di e go fastnan bayendo direccion zuid. A manda dos super Rhibs y un helicopter pa e go fast. Mes momento a manda un patruya terestre di Warda Costa pa Fuik, unda cu a gara 19 persona, di cual 9 tabata hende muher. Probablemente e dos go fastnan a baha nan eynan. Tur 19 persona tabata Venezolano.

GO FAST CARACASBAAI

E prome go fast tabata zuid di Caracasbaai, riba cual Warda Costa a haya 30 persona, mientras cu e otro tabata zuid di Fuik cu 2 persona. Ambos boto a wordo hiba pa e punto di sosten di Warda Costa na Parera. Eynan hunto cu e otro 19 persona a entrega nan na polis. E caso ta sigui bou di investigacion.