Setar confrontando problema cu servicio di ADSL

ORANJESTAD – For di merdia, nos compania di telecomunicacion Setar, ta experienciando problema cu e servicio di ‘adsl’. “Internet a cay diripiente. Nos no sa dicon y ta trahando pa pone bek on” e vocero di e compania, Suzy Maduro a confirma na NoticiaCla.com. Tres ora despues, ainda e situacion no ta coregi segun Maduro a informa diabierna den careda di 3’or. “E ta bay bin ainda, e no ta resolvi” Maduro a continua bisando. Asina cu e ta cla, nan lo raporta bek. E situacion ta pone cu internet ta bin y bay, pues no ta stabil ainda.