Varios parti di Aruba sin coriente debi na problema nan WEB

ORANJESTAD – Varios parti di Aruba ta sin coriente for di 5’or y mei caba, debi na un problema cu a surgi na WEB. For di vocero di e compania di utilidad Asja Dongen, por a confirma solamente cu e problema ta na WEB, y cu no sa ainda kico e problema ta, ni con lihe e lo keda resolvi. Varios parti di Aruba, for di Alto vista, Noord, Piedra plat, Tanki flip, Ponton y Playa tambe ta sin coriente. Keda pendiente pa updates asina nan bira conoci.