Autoridad local vigilando menaza di mancha di zeta na caminda

ORANJESTAD – Departamento di calamidad di Aruba ta vigilando e situacion di e mancha di zeta cu ta yegando nos isla proximamente. Ta trata di e mancha di zeta ocasiona pa e refineria di Trinidad, ora cu 300 bari di petroleo a bay den laman siman pasa. El a yega Bonaire caba y partidi Corsou for di diahuebs. Pa Aruba solamente ta vigilando e situacion, hefe interino Rino Hermans a confirma pa NoticiaCla.com diadomingo. DOW tambe ta alerta segun su director a bisa e portal aki diadomingo.

VIGILANCIA DESDE DIABIERNA

Segun Hermans, for di diabierna ta vigilando e situacion. “Kustwacht via coordination center ta update nos. Te e ultimo nada particular” Hermans a sigui bisa. Segun Hermans, tin druppels cu ta spoel aan pero no por papia di oil spill, sino mas bien cu ta druppels menos cu tamaño di un florin. Tambe hefe di DOW Marlon Croes a sigura NoticiaCla cu ta prepara pa e situacion aki si mester actua. “Si Kustwacht notificami segur lo mi geef door e particularidad, y nos a actua ariba info cu a sali den prensa y actualmente nos ta monitor hunto e informacionnan”. Tambe Hermans a bisa pues cu ta desde diabierna operationeel team ta monitor e situacion y ta ricibi update di Kustwacht Caribe cu ta monitoria e situacion y ta notifica operationeel team pa ta paraat si nan nota un oil spill cu ta menaza nos costanan.

DOW SU PREPARACION

Segun director di DOW Marlon Croes a bisa e portal aki diadomingo, helicopter y avionnan ta bulando y ta mirando pa wak si tin mancha (di azeta) ta yegando Aruba pa asina tuma medida preventivo. “Y asina nos ta percura pa nos costanan no sufri daño. DOW ta preparando su mes cu un ekipo pa cualkier cos nos bay haci e areanan limpi” Croes a bisa. Nan tambe ta monitoria e situacion for di diabierna. “DOW ta haya e feedback ki ora mester drenta den accion pa traha” Croes a bisa. E trabou di DOW ta mas bien pa limpieza, mirando cu nan tin tanto e man power como e equiponan pa haci e parti logistica di e trabou. “Nos tin un cluster unda cu DOW ta lidera e cluster. Nos tin Serlimar hunto cu nos, y pa nos por haci e trabaonan aki”. E informacion cu parti di e mancha a yega Aruba caba, no por a wordo confirma pa Croes diadomingo. “Mi no a haya confirmacion cu nos mester drenta den accion. Esey kier men cu pa awo no tin nada significante cu a sosode”, Croes a finalisa bisando. Foto cortesia STINAPA Bonaire