Polis en busca di sospechoso di asesinato pafo di Olde Molen

ORANJESTAD – Polis ta en busca di e sospechoso di asesinato pafo di e club nocturno Olde Molen, Erick Arturo Minguel Junior SCHNEIDERS (22) biba na Meiveld 33/of Piedra Plat 54-A. Diadomingo  pa medio di un boletin special, a haci e peticion aki. Segun polis, e persona aki ta wordo considera como uno peligroso y arma. Cargonan ta basa riba articulo 2:262 c.q. 2:259 di Codigo penal, cu ta complicidad di asesinato of homicidio, ademas prohibicion di tin un arma di candela. Cualkier persona cu sa algo ta ser pidi pa please tuma e medidanan di cautela necesario y no hinca nan mes den peliger. Djis yama sea central di polis na 100 of yama e tip lijn di polis cu ta 11141.