Dialuna ta cera otro banda di rotonde di Pos Chikito

ORANJESTAD – Dialuna awor DOW (Departamento di Obra Publico) ta cera otro banda di rotonde di Pos Chikito. Asina e departamento a informa diasabra pa medio di un comunicado di prensa. DOW a splica cu specialmente nos automobilistanan cu ta haci uzo di e caminda principal di San Nicolas pa Oranjestad cu e caminda lo keda cera pa un siman largo. Esta for di dialuna awor 29 di mei 2017 te cu diasabra 3 di juni 2017. Motibo ta cu lo bay continua cu e trabounan di e siguiente fase di renobacion y mantencion di e brug pa peaton situa na e rotonde.

RUTA ALTERNATIVA

Ta cera e caminda menciona entre 9’or di mainta pa 4’or di atardi. E ruta alternativa lo ta for di caminda principal direccion di San Nicolas pa Oranjestad ta wordo desvia riba e caminda secundario cu ta pasa dilanti di officina di DTI y sali riba e caminda principal na e rotonde di Pos Chikito. E ceramento y desviacionnan lo keda indica cu baricadanan y borchinan di aviso. En conexion cu e trabounan menciona Departamento di Obra Publico ta haci un peticion na tur automobilistanan pa haci uzo di e camindanan menciona y ta pidi pa tene cuenta cu e inconveniencianan cu lo por surgi pa cual nan ta pidi nan disculpa.