AZV y Hospital cu programa "Pregunta di luna"

Posted on 9/5/2014, 9:30 AM AST | Updated on 9/5/2014, 9:45 AM AST

ORANJESTAD - E siman aki un idea nobo ta wordo lansa door di AZV y Hospital hunto. Tur dos organisacion ta traha hunto pa brinda calidad di cuido halto na un manera pagabel. Y pa ilustra cu ambos partido kier ta transparante a crea e posibilidad pa su clientenan ta haci pregunta via email.

 pregunta

Naturalmente e posibilidad semper tawat’ey caba, pero awor nos kier enfatisa cu, aunke bo no sa precies serca ken bo mester ta, djies manda bo pregunta of sugerencia pa pregunta@uoazv.aw of pregunta@arubahospital.com. Nos lo busca e contesta sea na Hospital, AZV of huntamente pa nos duna un contesta bek.

 contesta

E contesta ta bay bek via email y si ta algo cu ta alcaso pa mas persona nos lo hacie via website y facebook tambe. Hospital ta cuminsa cu nan pagina di facebook awe 1 di september. Esunan cu no tin email por entrega nan pregunta gewoon na oficina di AZV.

E pregunta mas valioso lo wordo publica tur luna den e corantnan local pa asina tur hende por lesele.

 MICA

E idea pa e initiativa aki a sali for di e proyecto MICA unda AZV y Hospital ta traha hunto pa un sistema nobo pa registracion di e tratamentonan den hospital. MICA kiermen Maneho Integral di Cuido pa Aruba y a cuminsa na 2013. E meta di e projecto ta pa crea mas transparancia y a base di esaki mehora e calidad y eficiencia di e cuid