Hombernan arma a tira atraco riba Kevin Jewelers

ORANJESTAD - Dialuna atardi pa 18:22 un patruya di polis di trafico pasando den Havenstraat ta wordo para door di e manager di Kevin Jewelers. E ta conta cu un rato prome e y su empleada a wordo atraca door di tres hende homber habla spaño. Nan a drenta e luga y saca arma y pone na su cabes y despues a tie wrap e. E empleada tabata den oficina y ora ela sali nan a push'e bek den e oficina y cera e porta.

E atracadornan no tabata tin cara tapa. Nan a papia spaño y dos di nan tabata tin arma di candela. E descripcion di e atracadornan ta como lo siguiente :

1. jeans blauw cla, camisa blauw cla manga largo y pechi preto cu blanco

2. Jeans scur, flanel blauw scur, keds preto

3. Carson largo preto, t-shirt shinishi, pechi blanco                    

E atracadornan a bay cu hopi joyas y no sa cuanto nan ta balora. Nan a huy den direccion pariba. Diferente unidad di polisnan riba caya a cuminsa cu un buskeda pa wak si por topa cu e sospechosonan aki pero no a topa cu nan. Atraco Team a presenta ne sitio , tambe slachtoffer hulp y polis tecnico. E caso ta bou di investigacion. Ken cu por a wak of sa algo yama tiplijn di polis 11141.