Polis ocupa cu varios accidente diadomingo anochi

ORANJESTAD – Diadomingo anochi tabata uno yena atrobe cu accidente di auto. E prome tabata pabou di e rotonde di Tanki Leendert, unda un motociclista a keda alcansa pa un auto di famia. Varios ambulance a transporta e victima di tanto e motociclista y esunnan di e auto pa hospital. Algun rato despues tabatin un accidente na e cruzada peligroso na Wayaca/Primavera unda cu un auto biniendo di direccion di pariba (animal shelter), no a duna preferencia na un auto cu tabata bin di panort y a dal esaki na banda di chauffeur. A transporta un di e victimanan di e auto alcansa pa hospital, mirando cu e tabata na estado, mientras cu esun cu a ocasiona e accidente mes, a haya asistencia medico na e sitio mes.