Ainda no a identifica victima asesinato na Olde Molen awe mainta

ORANJESTAD – Ainda e identidad di e victima di asesinato na e club Olde Molen no ta conoci. Manera ta conoci, awe marduga a drenta un melding 4:28 am na central di polis cu lo tin tiramento na Olde Molen. Na yegada di patruya ta bin topa cu un hende homber cu tiro na su curpa y no ta duna señal di bida den e parkeerplaats dilanti e luga. Ta pidi ambulance, pero na yega no por a haci nada ya cu e persona a fayece. Polis a bay over na cera rond di e luga di e sucedido y pa asina cuminsa cu e investigacion. Recherche di Noord y departamento forensico di polis a yega pa asina saca afo kico a pasa. Dr Texeir a constata morto pa 5:30 am. Esnan cu por a wak y sa algo yama tiplijn di polis 11141. Te cu awo nos no tin e identidad di e persona.