Reunion cu FMAA y sindicato no a logra nada concreto ainda

ORANJESTAD – E reunion diahuebs entre minister Dowers, sindicato SEPPA y Fundacion Maneho di Adiccion Aruba (FMAA) no a yega na nada concreto diahuebs. A dicidi cu e proximo siman lo bolbe reuni y ta spera cu e ora ey, por yega na pasonan concreto pa optimalisa e servicio na clientenan di e fundacion. Durante e reunion diahuebs, tur hende a haña espacio pa expresa nan preocupacion y a duna Minister Dowers un relato di e situacion actual den cada departamento di e fundacion. A mustra cu tin disponibilidad di tur banda pa duna maximo apoyo na maneho di addicion na Aruba.

Un di e problema di ultimo simannan ta cu tabatin diferente version tocante e servicio, presupuesto y medidanan cu e fundacion a tuma. E mandatario a purba splica e esencia di e reunionnan cu e tabatin cu directiva di e fundacion for di comienso di aña caba y cu tur locual a wordo ehecuta a bai den dialogo cu e directiva.