Aruba tabata den gara di Ronde van Aruba

SAVANETA – Un total di 475 persona parti den 147 grupo a participa den e di 25 edicion di Ronde van Aruba, un careda pisa di 72 km rond di Aruba. For di 10’or ora cu Gobernador Alfonso Boekhoudt a duna e ‘startsein’, e gruponan a cuminsa sali. Pa 12:26 e ultimo grupo a bandona Marinierskazerne na Savaneta. Cada grupo tabatin su ‘support group’ cu mester a sostene nan coredo(nan) henter caminda. E caminda no ta facil, y e situacion di tempo pio. Mirando cu tabatin un alerta di biento duro valido pa e weekend aki, el a afecta varios coredo. Varios a remarca cu e biento tabata e problema mas grandi. Bunita tabata e sosten riba e ruta completo, no obstante e oranan laat di anochi/marduga. Un ambiente total tabatin tur rond di Aruba, y sigur riba e ruta di e careda. E prome coredo a yega na e prome wisselpost (Boca Grandi) 10:50pm, pues 50 minuut despues cu el a cuminsa. Entre e participantenan, tabatin e propio comandante di Marinierskazerne Timon van Dishhoeck, y nos procurador general Alexander van Dam. Algun otro conocinan tabata Alric Kock cu ta core e distancia completo su so.