Dos homber arma ta tira atraco riba trahado di Tec Inc

ORANJESTAD - Dos homber arma ta tira atraco riba trahado di Tec Inc. Vocero suplente di polis Liliana Rasmijn a confirma pa NoticiaCla.com cu diabierna atardi pa 17:11 central di polis a haya yamada di un hende homber bisando cu e la wordo atraca den e hanchi di TEC Inc. Ta manda patruya di biaha na unda cu e meneer ta declara cu e ta canando bayendo na su auto pa asina bay deposita e placa di dia na banco. Diripiente dos hende homber a baha fo'i un auto color shinishi glas getint. Tur dos tabata tin cara tapa y tur dos tabata tin arma di candela. Nan no a papia nada . Nana bay cu mas o menos Afl 50.000 na cash y na check. Diferente patruya a cuminsa busca rond pa wak si por a topa cu e auto. Pero no a logra hay'e.

Atraco Team ta investigando e caso y tambe a pidi pa slachtoffer hulp. Ken cu por a wak algo yama tiplijn di polis 11141.