Ex mandatario cu denuncia na OM relaciona cu bendemento di tereno

ORANJESTAD – Politico Otmar Oduber a entrega keho na ministerio publico diahuebs, contra un asunto di bendemento di tereno, siendo cu esaki lo ta den ‘optie’ ainda. E ta considera esaki como algo castigabel y como tal a haci e denuncia. “Nos ta considera esaki moralmente y eticamente malo y nos no ta considera esaki bon gobernacion” Oduber a bisa. Esaki pasobra segun e ex mandatario, gobierno tambe ta participe den e acto aki door di firma pa e traspaso di tereno tuma lugar. “Cosnan asina mester yega na un fin. Tereno di pueblo no ta cos pa haci negoshi cu ne”. E ex mandatario a sigura cu su partido nobo lo boga pa decentralisa e proceso di tereno y automatisa e proceso aki tambe.